நீ ! - சோகத்தில் முழுகினும் !
மகிழ்ச்சியில் திளைப்பினும் !
என் முகம் பார் சமன் பெறுவாய் !
பின் - உன் முகம் பார் மனம் தெளிவாய் !
நான் - சீவா தலையுடன் கரிப்படிந்த உடம்புடன்
வீதியின் தெருவோரங்களில் குப்பைத்தொட்டியில்
ஏதேனும் தேடலில் - புன்னகைக்கும் சிறுவனாய் .!
நடைப்பயணத்தின் - வறுமை நிரம்பிய தாயின் தோளில்
அந்தி வெயில் சுடும் வேளையில்
அவள் வியர்வையும் என் பசிப்போக்கும்
என்ற நம்பிக்கையின் சிரிப்பில் உறங்கும் குழந்தையாய் .!
உப்பு பூத்த உடலுடன்
களைப்பின் துணையுடன்
வரப்பில் கண்ணசரும் உழவனாய் .!
இதுப்போல் சில அடையாளங்களுடன் - நானிருப்பேன் !
சு.பெருமாள் (எ) காதல்சிவன் .
கருத்துகள் இல்லை:
கருத்துரையிடுக